Qashqadaryo viloyati IIBda boshqarma boshlig‘i o‘rinbosari, podpolkovnik R.Do‘stmatov huzurida Huquqbuzarliklar profilaktikasi boshqarmasi va Probatsiya bo‘limi tomonidan jinoyatchilik va huquqbuzarliklarni barvaqt olini olish, ularga qarshi kurashish, alohida toifadagi va Probatsiya nazoratidagi shaxslar bilan ishlash borasida amalga oshirilgan ishlar muhokama qilindi.

Yig‘ilishda mahalla yettiligi bilan “xonadonbay”, “mahallabay” ishlar, yakka va ijtimoiy   profilaktik ishlarni kuchaytirish, hisobda turuvchi shaxslar tomonidan jinoyatlar sodir etilishini oldini olish, fuqarolar bandligini ta’minlash borasidagi ishlar tanqidiy tahlil etildi. 

Shuningdek, probatsiya nazoratidagi shaxslarni ijtimoiy hayotga moslashtirish, ularning bandligini ta’minlash, pirovardida ular tomonidan qayta jinoyat sodir etish holatlariga yo‘l qo‘ymaslik borasida amalga oshirilgan ishlar, yo‘l qo‘yilgan kamchiliklarni muhokama qilindi.

Yakunda yo‘l qo‘yilgan kamchiliklarni bartaraf etish va amaldagi yilda amalga oshirilishi lozim bo‘lgan chora-tadbirlar belgilandi.