Mamlakatimizda joriy yilda yoshlarni qo‘llab-quvvatlash bo‘yicha katta marra va muhim vazifalar belgilab olingan.  Davlatimiz rahbari tomonidan yoshlar bilan ishlash tizimiga doimiy ravishda eʼtibor qaratib kelinmoqda.

Vazirlar Mahkamasining “Uyushmagan yoshlar orasida, huquqbuzarliklarni oldini olish va jinoyatchilikka qarshi kurashish ishlarini yagona yondashuv asosida tashkil etish chora-tadbirlari to‘g‘risida”gi 468-sonli Qarori asosida, yoshlarning muammolarini o‘rganish va amaliy yordam ko‘rsatish masalalari asosiy vazifa qilib belgilangan.

Ushbu vazifalarni sifatli amalga oshirish maqsadida Qashqadaryo viloyati IIB boshlig‘i birinchi oʼrinbosari polkovnik Baxtiyor Rajapov tomonidan yoshlar ishtirokida manzilli ishlar amalga oshirilmoqda. Shuningdek bugun  viloyat Boshqarma boshlig‘i birinchi o’rinbosari polkovnik Baxtiyor Rajabov   o'ziga biriktirilgan Qarshi shahridagi Aralovul mahallasi  yoshlari bilan uchrashuv o‘tkazdi. Taklif va o’z savollari bilan murojaat qilgan mahalla yoshlarining muammosi ijobiy hal etildi.

Uchrashuv davomida yoshlar Qarshi shahrida joylashgan Harbiy aviatsiya institutda barcha qulayliklarga ega zamonaviy sport shaharchasi va majmuaning muzeyi bilan tanishtirildi.

Keyingi manzilda mahalla yoshlari Vatanparvarlar bog’ida bo’lib, muzeyda ikkinchi jahon urushida ishtirok etgan xotirasi abadiylashtirilgan qahramonlarimiz shuningdek tarixiy harbiy texnikalarni tomosha qilishdi. Bularning barchasi yoshlarning tarix haqidagi bilimlarini oshirib, mamlakatimizdan, ajdodlarimizdan, milliy armiyamizdan g‘ururlanish tuyg‘ularini kuchaytirishga xizmat qiladi.

Uchrashuvda yurtimizda olib borilayotgan islohotlar negizida o‘sib kelayotgan yoshlar taqdiri mujassamligi, shu bois yurt koriga yaraydigan insonlar bo‘lib shakllanish, ustuvor maqsadlar sari dadil borish har bir yoshning Vatanimiz oldidagi muqaddas burchi ekani to‘g‘risida so‘z yuritildi. Viloyat IIB boshlig‘i birinchi o’rinbosari Baxtiyor Rajabov yoshlarga hayotiy misollar bilan maslahat va tavsiyalar berib, ularning bandlik, tadbirkorlikka bo‘lgan xohish-istaklari borasidagi savollariga atroflicha javob berdi.

Yoshlar ishtirokidagi bu kabi uchrashuvlar joylarda davom etmoqda.