O‘zbekiston Respublikasi Prezidentining “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi PF-37-son Farmoni 1-bandida ko‘rsatilgan topshiriqqa asosan, “og‘ir” toifadagi shuningdek, iste’dodli va iqtidorli yoshlarni aniqlash va ularni qo‘llab-quvvatlash maqsadida Qashqadaryo viloyatida ham bir qator ishlar amalga oshirib kelinmoqda. Jumladan, Qashqadaryo viloyati ichki ishlar boshqarmasi boshlig‘ining birinchi o‘rinbosari polkovnik Baxtiyor Rajapov Ko‘kdala tumani “Umakay” mahalalsida yashovchi 15 nafar  “og‘ir” toifadagi yoshlar bilan uchrashdi.

Ochiq muloqot ruhida o‘tgan uchrashuvda yoshlardan bir nafari profilaktik hisobda turishi, ichki ishlar organlarining probatsiya hisobida 2 nafar, xorijiy davlatlarda ishlab qaytgan 10 nafar va bezorilik xatti-harakatiga moyil 2 nafar uyushmagan yoshlarning muammolari, qiziqishlari, kelajakdagi orzulari borasida suhbatlashildi.

Har bir yoshlar bilan individual ravishda profilaktik suhbatlar o‘tkazilib, ularning ijtimoiy-iqtisodiy sohalardagi muammolari mavjudligi aniqlandi.

O‘rganish natijasiga ko‘ra, Ko‘kdala tumani “Umakay” mahallasida yashovchi “og‘ir” toifadagi yoshlarni muammolarini bartaraf etish uchun vaqt va mablag‘ talab etilgani bois, “Yo‘l xaritasi” yoshlar bilan o‘tkaziladigan tadbirlar rejasi tayyorlanib, ijroga qaratildi.

Yoshlarni muammolarini o‘rganish bo‘yicha tasdiqlangan “Yo‘l xaritasi” hamda “Dastur” doirasida tadbirlar davom ettirilmoqda.