O‘rganishlar davomida boshqarma boshlig‘i o‘rinbosari dastlab, Maxsus qabulxonada  bo‘lib, ma’muriy jazo muddatini o‘tayotgan shaxslarning turmush tarzi, ularga yaratilgan shart-sharoitlarni ko‘zdan kechirdi. Sodir etgan huquqbuzarligi uchun jazo muddatini o‘tayotgan shaxslar bilan  profilaktik suhbat o‘tkazdi.

Bu yerda ma’muriy huquqbuzar shaxslarga xizmat ko‘rsatuvchi oshxona, tibbiyot xonasi, yuvinish xonasi, taqshi sport maydonchasi va Prezident asarlari, kodekslar, jahon va milliy adabiyot namoyondalarining 150 dan ortiq asarlari jamlangan kutubxonada bo‘lib, kelgusida amalga oshirish bo‘yicha tegishli tavsiya va takliflarni berdi. 

Boshqarma boshlig‘i o‘rinbosarining Kinologiya bo‘linmasidagi o‘rganishlari davomida pitomnikda xodimlar malakasini oshirishgaga mo‘ljallangan  instruktor-kinolog xonasi, veterinar mutaxassis xonasi, oshxona, xizmat itlari  volyerlar, jismoniy va yuridik shaxslarni qabul qilish xonasi va fuqarolar olib kelgan itlari uchun va kerakli veterinariya dori-darmonlari va oziqlantirish uchun oziq-ovqat zahiralarini ko‘zdan kechirib, mas’ullarga bu boradagi ishlarni yanada takomillashtirishga oid tavsiyalar berdi.

O‘tkazilayotgan mashg‘ulotlarda xizmat itlarini yangi uslub va tajribalardan foydalangan holda jinoyatlarni fosh etishga o‘rgatish bo‘yicha kinologlarga tegishli yo‘riqnoma berdi.

Bu boradagi ishlar davom ettirilmoqda.