Unda viloyat IIB rahbariyati, IIV SHXBB Qashqadaryo viloyati bo‘yicha boshqarmasi, shahar-tuman IIB shaxsiy tarkibi va mahalla fuqarolar yig‘inlari raislari ishtirok etmoqda.

Ko‘lami keng yig‘ilishda viloyat IIB boshlig‘ining o‘rinbosari, podpolkovnik
Zavqiddin Xo‘janov, shaxsiy tarkibning xizmat, ijrochilik intizomi va qonunchilikka rioya etish, ma’naviy-ma’rifiy, kasbiy tayyorgarlik yo‘nalishidagi ishlarni yanada jonlantirish,  bu borada amalga oshirilgan ishlar va yo‘l qo‘yilgan kamchiliklar atroflicha tahlil etmoqda.

Faoliyat davomida sohaviy xizmatlar o‘rtasida hamkorlikni yanada kuchaytirish, xizmat vaqtida va xizmat kiyimida spirtli iste’mol qilmaslik, har bir xodim o‘z ustida mukammal ishlab, amaldagi buyruqlar va qonunlarni puxta o‘rganib, salbiy holatlarga yo‘l qo‘ymasliklari to‘g‘risida rasman ogohlantirilmoqda. 

Tahliliy yig‘ilishlarda ko‘p yillardan buyon ichki ishlar organlarida xizmat qilayotgan xodimlar yoshlarga ustozlik qilib, xizmat sirlarini o‘rgatishi, o‘z ustida ishlash, kasbga oid bilimlarini puxta o‘zlashtirishi, biriktirilgan shogirdi harakatida nojo‘ya holatlarni sezganda darhol to‘g‘ri yo‘lga boshlashi, aks holda bu haqda rahbariyatni ogohlantirishi lozimligi tushuntirilmoqda.

O‘tkazilayotgan yig‘ilishlar doirasida har bir hududiy ichki ishlar bo‘limida xizmat qilayotgan xodimlarning xizmat vazifasini vijdonan bajarishi mabodo xodimlarning xatti-harakatida noqonuniy holatlarga guvoh bo‘lganda shahar-tuman, viloyat IIB rahbariyatiga yoki  IIV SHXBB Qashqadaryo viloyati bo‘yicha boshqarmasi ishonch telefonlariga qo‘ng‘iroq qilib ogohlantirishi uchun xizmat va uyali telefonlar raqamlari ishtirokchilarga berildi.

Qamrovi keng tadbir davomida shahar-tuman IIB boshlig‘ining ma’naviy-ma’rifiy ishlar bo‘yicha o‘rinbosarlari tomonidan amalga oshirilgan ishlari tanqidiy o‘rganib chiqilib, aniqlangan kamchiliklarni bartaraf etish bo‘yicha amaliy yordamlar berilib, manzilli chora-tadbirlar belgilanmoqda. 

Jamoat xavfsizligini ta’minlashda fuqarolar bilan xushmuomalada bo‘lish, huquqbuzarliklar va jinoyatlarni oldini olish, fuqarolar xavfsizligini ta’minlashda burchga sadoqat bilan xizmat qilish ichki ishlar organlarining xalq oldidagi ob’ro‘sini ko‘tarishga xizmat qiladi.

Keng qamrovli yig‘ilishda IIV SHXBB Qashqadaryo viloyati bo‘yicha boshqarmasi boshlig‘i, podpolkovnik T.Bayjanov so‘zga chiqib, har bir hududda shaxsiy tarkib bilan turli noxush holatlarning barvaqt oldini olishga qaratilgan tezkor-profilaktik suhbatlar va ma’naviy-ma’rifiy tadbirlar kuchaytirilgan tarzda o‘tkazish Vazirlik va boshqarma rahbariyati talabi ekanligini ta’kidladi.

Ichki ishlar jamoalarida guruhbozlik, ishqiy munosabat, ichkilikbozlik, berilgan topshiriqlarni noo‘rin muhokama qilish, tamagirlik, korrupsiya va boshqa shu kabi salbiy illatlarning oldini olishga qaratilgan profilaktik hamda ma’naviy-ma’rifiy yo‘nalishda qo‘shimcha chora-tadbirlar belgilanib, amalga oshirilishi lozimligini qayd etdi.

Tahliliy yig‘ilishlarda “Vatanga va xalqqa sadoqat bilan xizmat qilish – oliy burch” shiori asosida xizmat qilish bugungi kun talabi ekanligi ishtirokchilarga tushuntirilmoqda. Tahliliy yig‘ilishlarda xizmat vazifasiga sovuqqonlik bilan yondoshgan ayrim xodimlar qattiq ogohlantirilib, kun tartibidagi masalalar yuzasidan tegishli qaror qabul qilinmoqda.