Ko‘lami keng tadbirni MMI va KBTX boshlig‘i o‘rinbosari podpolkovnik  Sh.Muslimov  ochib, mamlakatimizda har jabhada amalga oshirilayotgan izchil islohotlar zamirida inson manfaati va uning qadr-qimmati ustuvor darajaga ko‘tarilganini, albatta, bunday sa’y-harakatlar zamirida ichki ishlar organlari xodimlarining huquq va manfaatlari ham samarali himoya qilinayotganini ta’kidladi.

Uchrashuvda MMI va KBTX boshlig‘i o‘rinbosari, podpolkovnik Z.Kenjaeva so‘zga chiqib, O‘zbekiston Respublikasi Prezidentining 2022 yil 8 fevraldagi “Ichki ishlar organlari xodimlarini ijtimoiy himoya qilish tizimini yanada yaxshilash chora-tadbirlari to‘g‘risida”gi Qarori hamda Ichki ishlar vazirining 2022 yil 1 noyabrdagi 472-sonli buyrug‘iga  asosan ichki ishlar organlari xodimlarini ijtimoiy himoya qilish borasida Qashqadaryo viloyati ichki ishlar boshqarmasida bir qator ijobiy ishlar amalga oshirilayotganini ta’kidladi. Jumladan, uzoq yillardan buyon  ichki ishlar organlarida xizmat qilib kelayotgan xodimlarga to‘y va boshqa marosimlar, oila a’zolarini davolatish, sog‘ligini tiklash, еngil avtomashina olish va uy-joyini ta’mirlash hamda uy-joy sotib olish uchun foizsiz  pul mablag‘lari ajratib kelinayotganini bildirdi.

So‘ngra, yig‘ilish ishtirokchilariga korrupsiya va boshqa salbiy holatlarni yuzaga keltiruvchi videofilm namoyish etildi.

Tadbirda Qarshi davlat universiteti Psixologiya kafedrasi o‘qituvchisi Shodiya Tursunpo‘latova ichki ishlar organlari xodimlarining oila a’zolari bilan Psixologik trening o‘tkazdi. Treningda psixodramma,  stressli holatlar profilaktikasi, motivatsion psixologik  o‘yin va mashqlar bajarigan ishtirokchilar bilan so‘rovnoma o‘tkazildi.

Yakunda xizmat vazifasini a’lo darajada bajarib kelayotgan xodimlarning oila a’zolariga tashakkurnomalar topshirildi.