Yurt himoyasiga bel bog‘lash, chinakam vatanparvarlik tuyg‘ulari bilan yashash har bir insonning muqaddas burchidir. Bugun azamat yigitlarimiz hamda qizlarimiz Vatan oldidagi ulkan vazifasi bo’lgan xalq tinchligi, yurt obodligi yo‘lida o’z hissalarini qo’shish maqsadida harbiy xizmatning 1 oylik o'quv kursini yakunladi.

O‘zbekiston Respublikasi Ichki ishlar vazirligining 2021-yil 27-avgustdagi 310-son “Ichki ishlar organlarida uzluksiz o‘quv-karera jarayoni tizimini tashkil etish to‘g‘risida”gi buyrug‘iga muvofiq, Qashqadaryo viloyati ichki ishlar organlariga tanlov asosida xizmatga qabul qilingan xodimlar bilan bir oy davomida Qarshi shahridagi 3-sonli harbiy shaharchada boshlang‘ich kasbiy tayyorgarlik o‘quv yig‘ini o‘tkazildi. Joriy yil 11-yanvar o’quv yig’ini so’ngida IIOlarining ofitserlik va safdorlik lavozimlariga xizmatga qabul qilingan xodimlar ishtirokida yakuniy imtihon bo'lib o'tdi.   123 nafar xodimlardan o‘quv yig‘ini yakunida imtihon qabul qilinib Qashqadaryo viloyati IIB rahbariyati hamda IIV Malaka oshirish instituti ma'sul vakillari  tomonidan sinovdan o’tkazildi.

Xususan, o‘quv yig‘ini yakunida boshlang‘ich kasbiy tayyorgarlik o‘quv kursini muvaffaqiyatli tamomlagan jami 123 nafar xodimlarga sertifikatlar topshirilib,  Vatanga qasamyodni qabul qilish tantanali tadbiri boʻlib oʻtdi. Saf maydonida qad kerib turgan yigitlar O‘zbekistonning ishonchli va yengilmas o‘g‘lonlari ekanini, bunday tantanavor qasamyod Vatan himoyasiga kirgan yigit hayotida bir martta sodir bo‘lishini his etdi.

Harbiy qism maydonida chinakam bayram ruhi ko’tarildi. Ayniqsa, harbiy orkestr ijrosidagi marsh sadolari barchani bir maqsad va maslak yo‘lida birlashtirdi.

Sodiq bo‘lishga ont ichgan har bir askarga IIV hamda  Viloyat IIB rahbariyati ishonch bildirib bugungi unutilmas kun bilan qutladi.

Vatanga qasamyod tadbiri posbonlarning saf maydoni boʻylab tantanali yurishi bilan yakunlandi.