Qashqadaryo viloyatida uyushmagan yoshlarni qamrovga olish, ularda yurtga muhabbat, Vatanga sadoqat, yurt ravnaqiga daxldorlik  tuyg‘ularini yuksaltirish maqsadida bir qator ishlar amalga oshirilmoqda. Jumladan, yoshlarni ish bilan ta’minlash, ularni foydali mehnatga jalb qilib, bunyodkorlik va yaratuvchanlik ruhida tarbiyalash bugungi kunning ustuvor vazifalaridan biriga aylangan.

Bu borada amalga oshirilayotgan ishlar bilan yaqindan tanish maqsadida viloyat 3-sektor rahbari- ichki ishlar boshqarmasi boshlig‘i polkovnik  Abduvoxid Ismoilov Qamashi tumani “Sarbozor” mahallasida bo‘lib, yoshlarning dehqon xo‘jaligi yerlaridan foydalanish holati bilan yaqindan tanishdi. Ushbu mahallada "Bir hudud - mahsulot" tamoyili asosida 20 gektar maydon 27 nafar yoshlarga ajrtib berilgandi. Yoshlar ajratilgan yerda qovun ekib, chet mamlakatlarga eksport qilib, salmoqli daromad olishdi.

O‘rganishlar davomida zahira yerda qovun yetishtirgan yosh tadbirkor Behruz O‘ralov bilan muloqotda bo‘ldi. 

So‘ngra, Qamashi tumani “Chim” mahallasida bo‘lgan 3-sektor rahbari  "G‘ijduvon tajribasi" asosida barpo bo‘layotgan tadbirkorlik subyektlari bilan tanishdi. Hozirda eski bir qavatli binolar o‘rniga yangi ikki undan ko‘p qavatli tadbirkorlik obyektlari qurilmoqda. Tadibirkorlar bilan suhbat qilib, ularga yo‘nalish bo‘yicha tegishli ko‘rsatmalar berdi. 

 “Mang‘it” mahallasida tuman markaziy o‘yingohida amalga oshirilayotgan ta’mirlash va obodonlashtirish ishlari bilan tanishilib, mustaqillik bayramigacha qurilish ishlarini tugatish bo‘yicha tavsiya va takliflar berildi.

Shuningdek, O‘zbekiston Respublikasi Prezidentining “2024 — 2026 yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi Qaroriga asosan Qamashi tumanida qurilayotgan 120 o‘rinli 5 qavatdan iborat tug‘ruq kompleksi bilan tanishdi. 

O‘rganishlar davomida bino atrofini obodonlashtirish, yo‘l infratuzilmasini yaxshilash borasida mutasaddilarga ko‘rsatmalar berdi.

“Chim” mahallasi  hududidagi "Sanjar Diyorovich" fermer xo‘jaligi maydonida bo‘lgan rahbar 20 gektar maydondagi paxta hosili, 13 gektar maydonda yetishtirilayotgan takroriy ekin mahsulotlarini ko‘zdan kechirdi.  

O‘rganishlar yakunida tuman Paxta to‘qimachilik klasterlarining paxta qabul qilish punktida bo‘lib, tirkamalarning mavsumga shayligi o‘rganilib, texnik sozligi, yong‘in va favqulodda holatlarni olini olish bo‘yicha soha mutasaddilariga tegishli tavsiyalar berdi.

Buboradagi ishlar davom ettirilmoqda. .