27-sentabr – Butunjahon turizm kuni
Butunjahon turizm kuni Jahon sayyohlik tashkiloti, YUNVTO
Bosh assambleyasi tomonidan 1979-yilda Ispaniyaning Torremolinos shahrida
tashkil etilgan va har yili 27-sentabrda nishonlanadi.
Bundan ko‘zlangan maqsad turizmni rivojlantirish, uning
jahon iqtisodiyotiga qo‘shgan hissasini yoritish, turli mamlakatlar xalqlari
o‘rtasidagi aloqalarni rivojlantirishdan iborat.
Turizm nafaqat yangi joylar va madaniyatlarni kashf qilish
imkoniyati, balki mamlakatimiz iqtisodiyotini rivojlantirish, xalqaro
aloqalarni mustahkamlash va O‘zbekistonning mehmondo‘st mamlakat sifatidagi
obro‘sini oshirishning muhim omillaridan biridir. Shu munosabat bilan, bugungi
kunda turistlar xavfsizligini ta’minlash va mintaqamizni sayohatlar uchun
jozibador va ochiq qilishga o‘z hissasini qo‘shayotgan barchaga alohida
minnatdorchilik bildiramiz.
Qadrli hamkasblar va turizm sohasi fidoiylari,
“Butunjahon turizm kuni”da barchangizga samarali faoliyat va kasbiy
muvaffaqiyat tilaymiz!
