Yig‘ilishda boshqarma MMI va KBTX boshlig‘i o‘rinbosari, podpolkovnik G‘ulom Isamov so‘zga chiqib, xodimlar tomonidan xizmat intizomi va qonunchilikka rioya etish, xizmat vazifasiga taalluqli bo‘lmagan ishlarga aralashmaslik, xizmat va shaxsiy avtomashinalarni qonun talabi doirasida boshqarish, fuqarolar bilan xushmuomala bo‘lish, xizmat kiyimini kiyish talablariga rioya etish, korrupsion holatlarga yo‘l qo‘ymaslik va O‘zbekiston Respublikasining 1008-son qonuni bilan IIO to‘g‘risidagi qonunga kiritilgan o‘zgartirishlar va xodimlarga belgilangan ayrim cheklovlarga amal qilishlari haqida tushunchalar berdi.

Tadbirda so‘z olgan boshqarma Faxriylar kengashi raisi, iste’fodagi polkovnik Sodiq Islomov mamlakatimizda yosh xodimlarni har tomonlama qo‘llab-quvvatlash va ularga davlatimiz tomonidan ko‘rsatilayotgan g‘amxo‘rliklar to‘g‘risida o‘z fikr-mulohazalarini bildirdi. Jumladan, har yili o‘tkaziladigan bu kabi “Uch avlod uchrashuvi”larida yosh xodimlarning kasb mahorati va tajribasini oshirish borasida ibratga molik ishlar amalga oshirilayotganini ta’kidladi.

Tadbirda so‘z olganlar ichki ishlar organlarida uzoq yillar xizmat qilgan faxriylar tajribasi va malakasi yosh xodimlar uchun maktab ekanligini, bugungi kunda faxriylik gashtini surayotgan otaxonlarning aksariyati o‘yda o‘tirishni ep bilmasdan “Ustoz-shogird” an’anasiga sodiq qolgan holda soha vakillaridan o‘z maslahatlarining ayamayotgani qayd etishdi. 

Boshqarma rahbariyati tomonidan yosh xodimlarga yaratib berilayotgan shart-sharoitlar, g‘amxo‘rliklarga javoban ular Vatan xizmatiga kamarbasta bo‘lishi lozimligi ta’kidlandi.

Joriy yilda xodimlar tomonidan xizmat intizomiga rioya etish, qonunbuzarliklarni oldini olish, korrupsion holatlarga murosasiz bo‘lish borasida amalga oshiriladigan ishlar rejasi kelishib olindi.