Tinchlik ishonchli qoʻllarda!
Qashqadaryo viloyati IIB JXX
Jamoat tartibini saqlash boshqarmasi xodimlaridan tuzilgan guruhlar tomonidan
jamoat joylari qolaversa, savdo kompleksi va bozorlar hududida fuqarolar
tinchligi hamda osoyishtaligini taʼminlash, yuz berishi mumkin boʻlgan baxtsiz
hodisalarni oldini olish maqsadida oʻz xizmat vazifalarini bajarishmoqda.
Bundan tashqari farzandlarimizning
taʼlim maskanlariga xavfsiz borib kelishi, fuqarolarimizning dam olish
kunlarida oila aʼzolari bilan koʻngilochar maskanlarda madaniy hordiq
chiqarishlarini taʼminlash maqsadida avtomobil yoʻllari va piyodalar oʻtish
joylari, umumiy ovqatlanish shahobchalari atrofida tartibni saqlash masalasi
ham xodimlar eʼtiboridan chetda qolmayapti.
Aholi gavjum boʻladigan hududlar, istirohat bogʻlarida xizmat oʻtayotgan
xodimlar shubhali buyumlar qoldirib ketilishining oldini olishga qaratilgan
tadbirlar, shubha uygʻotgan shaxslarning maqsadi va yashash manzillariga
aniqlik kiritish borasida profilaktik suhbatlar oʻtkazilib kelinmoqda.
