TAHLILIY VA TANQIDIY RUHDAGI YIG‘ILISH
Mirishkor tuman IIBda joriy yilning birinchi
choragida amalga oshirilgan ishlar tahliliga bag‘ishlangan yig‘ilish bo‘lib
o‘tdi. Unda Qashqadaryo viloyat IIB va tuman IIB rahbariyati, tezkor va boshqa
sohaviy xizmat vakillari ishtirok etdi.
Hisobot yig‘ilishida viloyat IIB boshlig‘i
o‘rinbosari, podpolkovnik Isroil Ximmmatov ishtirok etib, joriy yilning o‘tgan
davrida tumanda fuqarolar xavfsizligini ta’minlash, jinoyatchilikka qarshi
kurashish va uning oldini olish, sodir etilgan jinoyatlarni “issiq izlar”da
fosh etish, jamoat tartibini saqlash borasida ichki ishlar organlari xodimlari
tomonidan amalga oshirilgan ishlarni tanqidiy-tahlil etdi.
Huquqbuzarliklar, jinoyatlarni erta aniqlab
oldini olish va ro‘y berganlarini fosh etish, qonunbuzarliklarga barham berish,
jamoat va fuqarolar xavfsizligini ta’minlashda tuman IIB tezkor va sohaviy
xizmatlar xodimlarining boshqa huquqni muhofaza qiluvchi idoralar hamda keng
jamoatchilik bilan o‘zaro hamkorlikdagi faoliyatini yanada kuchaytirish
lozimligi ishtirokchilarga tushuntirildi.
Tahliliy
va tanqidiy ruhdagi yig‘ilishda kelgusida amalga oshirilishi lozim bo‘lgan
chora-tadbirlar rejasi belgilab olindi.
