Sohibqiron Аmir Temur - adolat va ilm-fan homiysi
IIV Qashqadaryo akademik litseyida “Sohibqiron Аmir Temur - adolat va ilm-fan homiysi” mavzusida tadbir boʼlib oʼtdi. Unda IIV, viloyat IIB MMI va KBTD, sohaviy xizmatlar xodimlari, litsey oʼqituvchilari va oʼquvchilari ishtirok etdi.
Buyuk sarkarda, adolat homiysi Аmir Temur tavalludining 686 yilligi munosabati tashkil etilgan tadbirda sohibqiron hayoti va faoliyati haqida ishtirokchilarga atroflicha maʼlumotlar berildi.
Soʼngra, viloyat IIB va IIV Qashqadaryo akademik litseyining
1-2-3-bosqich oʼquvchilaridan tuzilgan jamoalar oʼrtasida “Аmir Temur bilimdoni” mavzusida “Zakovat” intellektual oʼyini tashkil etildi.
Tadbirda toʼrtta jamoa oʼzaro bellashdilar. IIV Qashqadaryo akademik litseyi 3-bosqich oʼquvchilari 1-oʼrinni qoʼlga kiritdi. Viloyat IIB jamoasi va litseyning 2-bosqich oʼquvchilari navbatdagi sovrinli oʼrinlarni band etdi.
Gʼoliblar diplom va esdalik sovgʼalari bilan taqdirlandi.
