Qashqadaryo viloyati ichki ishlar organlarida faoliyat yuritayotgan psixolog xodimlar o‘rtasida “Eng yaxshi psixolog” tanlovi o‘tkazildi. Tanlovda ichki ishlar organlarida psixologik ta’minlashning sifat jihatdan samaradorligini yanada oshirish hamda ushbu sohada faoliyat yuritayotgan psixologlar o‘rtasida sog‘lom raqobatni yaratish orqali yetuk mutaxassis psixolog kadrlar safini kengaytirishga qaratilgan tadbirda ishtirokchilar bor mahorat va tajribalarini ishga solib o‘zaro bellashdilar.
Ko‘rik–tanlovda psixologik test yordamida ishtirokchilarning bilim saviyasi va IQ darajasi aniqlash, psixologiya sohasini rivojlatirishga qaratilgan g‘oya va uni amaliyotga joriy qilish bo‘yicha fikrlar va savol-javoblar asosida kechgan bahslarda ishtirokchilarning targ‘ibot-tashviqot ishlari hamda psixologiya kasbini yoritishga qaratilgan g‘oyalari, bilim va tajribasi sinovdan o‘tkazildi.
Hakamlar hay’ati tomonidan e’lon qilingan natijalarga ko‘ra, viloyat ichki ishlar boshqarmasi ma’naviy-ma’rifiy ishlar va kadrlar bilan ta’minlash xizmati bosh inspektori, kapitan
Hamza Niyazov g‘oliblikni qo‘lga kiritdi. Navbatdagi sovrinli o‘rinlarni esa Qamashi tumani ichki ishlar bo‘limi voyaga yetmaganlar va yoshlar bilan ishlash guruhi katta inspektori, katta leytenant Oybek Do‘stqobilov va Nishon tumani ichki ishlar bo‘limi voyaga yetmaganlar va yoshlar bilan ishlash guruhi katta inspektori, leytenant Maftuna Tupliyeva band etishdi.
Ishtirokchilar g‘oliblik diplomi va qimmatbaho sovg‘alar bilan taqdirlandi.
Endi g‘olib tanlovning Respublika bosqichida ishtirok etadi.