Musobaqa qizgʼin va murosasiz boʼldi
Shahrisabz shahar IIB sport oʼyingohida “Hamkor” profilaktik tadbiri doirasida shahar ichki ishlar organlari Probatsiya hisobida jazo muddatini oʼtayotgan yoshlar oʼrtasida toʼsinga tortilish va futbol musobaqalari tashkil etildi. Qizgʼin va murosasiz kechgan musobaqalarda barcha yoshlar bor mahorat va imkoniyatlarini ishga solib gʼoliblik uchun kurashdilar.
Shahrisabz shahar IIB Probatsiya hisobida jazo muddatini oʼtayotgan O.Murtazaev 71 marotaba toʼsinga tortilib, gʼoliblikni qoʼlga kiritdi.
Shuningdek, yoshlardan tuzilgan “Temur” va “Kesh” futbol jamoalari oʼrtasida kechgan musobaqa ham qizgʼin lahzalarga boy boʼldi. Chaqqon va kombinatsiyalarga boy kechgan futbolda “Temur” jamoasi aʼzolari “Kesh” futbolchilari ustidan 4:2 hisobida gʼalabasi bilan yakun topdi.
