Yig‘ilishda so‘z olgan IIV SHXBB Qashqadaryo viloyati bo‘yicha boshqarmasi mas’ul xodimi ichki ishlar organlari xodimlari tomonidan xizmat intizomi va qonunchilikka rioya etish, xizmat vazifasiga taalluqli bo‘lmagan ishlarga aralashmaslik, xizmat va shaxsiy avtomashinalarni qonun talabi doirasida boshqarish, fuqarolar bilan xushmuomala bo‘lish, xizmat kiyimini kiyish talablariga rioya etish, korrupsion holatlarga yo‘l qo‘ymaslik va O‘zbekiston Respublikasining 1008-son qonuni bilan IIO to‘g‘risidagi qonunga kiritilgan o‘zgartirishlar va xodimlarga belgilangan ayrim cheklovlarga amal qilishlari haqida ishtirokchilarga tushunchalar berdi.

Tadbirda so‘z olgan boshqarma MMI va KBTX boshlig‘i o‘rinbosari, podpolkovnik G‘ulom Isamov Vatanga va xalqqa sadoqat bilan xizmat qilish muqaddas burch ekanligi, har bir xodim zimmasiga yuklatilgan vazifalarni bemamu ko‘st bajarishda intizom va kodeks talablariga rioya etishi lozimligini ta’kidladi.

Shuningdek, IIV va viloyat IIB rahbariyati tomonidan yosh xodimlarga yaratib berilayotgan shart-sharoitlar, g‘amxo‘rliklarga javoban ular Vatan xizmatiga kamarbasta bo‘lishi lozimligi ta’kidlandi.

Bu boradagi ishlar davom ettirilmoqda.