Ekstremistik va radikalistik g‘oyalar tarqalishining oldini olish dolzarb vazifa
Qarshi shahar Ixtisoslashgan san’at maktabida
“Ekstremistik va radikalistik g‘oyalar tarqalishining oldini olish” mavzusida
targ‘ibot tadbiri o‘tkazildi. Tadbirda Qashqadaryo viloyati IIB, san’at maktabi
o‘qituvchi va o‘quvchilari ishtirok etishdi.
Tadbirda Qashqadaryo viloyati IIB TQX
Terrorizmga qarshi kurashish boshqarmasi xodimlari ishtirokchilarga norasmiy
radikal oqimlar, din niqobi ostidagi shaxslarning internetdan foydalanib, turli
buzg‘unchi yot g‘oyalarni targ‘ib etuvchi video va audio yozuvlarni yoshlar
ongiga singdirishga urinayotganini misollar asosida tushuntirishdi.
Bundan tashqari, yoshlar o‘rtasida
huquqbuzarliklar va jinoyatlarni oldini olish, ularni bo‘sh vaqtini mazmunli
tashkil etish, turli fan va sport to‘garaklariga jalb etish borasida tegishli
tavsiya va takliflar berildi.
Ochiq muloqot ruhida kechgan yig‘ilishda
ishtirokchilarning savollariga mutaxassislar atroflicha javoblar berishdi.
Yakunda aqidaparastlik g‘oyalarining salbiy
xususiyatlarini bois bilib-bilmay adashgan insonlar taqdiri aks ettirgan
“Shukronalik” nomli video film
ishtirokchilarga namoyish etildi.
