Ichki ishlar vaziri o`rinbosari general-mayor D.Nazarmuxamedovning reja topshirigiga asosan Qashqadaryo viloyatida Ichki ishlar vazirligi Ma’naviy-ma’rifiy ishlar va kadrlar bilan taminlash departamenti ishchi guruhi mas’ul xodimlari tomonidan hududiy ichki ishlar organlarida ma’naviy-ma’rifiy ishlar va kadrlar bilan ta’minlash, ta’lim jarayonini tashkil etish, shaxsiy tarkibning jismoniy va jangovar tayyorgarligi jamoalardagi ma’naviy-ruhiy muhit barqarorligini ta’minlash, soha xodimlariga xizmat samaradorligini oshirish yuzasidan amaliy va uslubiy yordam berishga qaratilgan o‘rganishlar olib bordi.

 O‘rganishlar davomida, O‘zbekiston Respublikasi IIVning 2024 yil 10 may kunidagi hamda Qashqadaryo viloyati IIB boshlig‘ining 2024 yil 27 may kunidagi ichki ishlar organlarida joriy yilning 1 iyun kunidan 30 iyun kuniga qadar “Qonuniylikni ta’minlash va temir intizom oyligi”ni o‘tkazish to‘g‘risidagi farmoyishlari ijrosi yuzasidan viloyat IIB shaxsiy tarkibi bilan yig‘ilish bo‘lib o‘tdi.

Ko‘lami keng yig‘ilishda Qashqadaryo viloyat IIB xodimlari o‘rtasida xizmat intizomi, qonunchilikka rioya etish, korrupsiya va tamagirlikning har qanday ko‘rinishini oldini olish, mamlakatimizda korrupsion jinoyatlarga qarshi murosasiz kurashish borasida ishtirokchilarga atroflicha  tushunchalar berildi.

Fuqarolar bilan muloqot jarayonida kasbiy muomala madaniyatiga rioya qilgan holda har qanday vaziyatda ham “ichki ishlar organlari xodimi”- degan yuksak nomga munosib bo‘lish, mansab vakolati doirasidan chetga chiqmaslik, salbiy holatlar sodir etmaslik, shu bilan birga xodimlarga korrupsion turdagi jinoyatlarga undash yoki taklif bo‘lganda mas’ul rahbarlarga bildirgi bilan murojaat qilishlari lozimligi yana bir bor eslatildi.

Tadbirda xizmat vazifalarini vijdonan va halol bajarib, korrupsion takliflarni rad etgan xodimlar muntazam rag‘batlantirib kelinayotgani qayd etildi.

Shuningdek, IIV ishchi guruhi tomonidan vazirlik Qashqadaryo akademik litseyida va sohaviy xizmatlarda xodimlar faoliyat olib borishlari uchun yaratilgan shart-sharoitlar bilan ham tanishildi.