XODIMLARNING MЕRGANLIK MAHORATI SINOVDAN O‘TKAZILDI
Qashqadaryo viloyati ichki ishlar boshqarmasida shaxsiy tarkibning kasbiy, jismoniy tayyorgarligini oshirish borasida jangovar mashg‘ulotlar, sport musobaqalari muntazam uyushtirib kelinmoqda. Jumladan, viloyat ichki ishlar boshqarmasi boshlig‘ining tegishli buyrug‘iga asosan, Qarshi shahridagi “Qo‘ng‘irtog‘” dala o‘quv poligonida tarkibiy bo‘limlar va sohaviy xizmatlari hamda shahar-tuman ichki ishlar bo‘limlari shaxsiy tarkibi ishtirokida PM va AKM jangovar qurollarini to‘liq va to‘liqsiz qismlarga ajratish mashg‘ulotlari bo‘lib bo‘lib o‘tdi. So‘ngra, boshqarma xodimlarning jangovar tayyorgarligini oshirish maqsadida PM va AKM jangovar qurolidan o‘q otish mahorati sinovdan o‘tkazildi. Musobaqada ichki ishlar organlarida xizmat qilayotgan xotin-qizlar ham ishtirok etishdi.
