“Xalqobod”lik yoshlar bilan uchrashuv
Viloyat
IIB otalig‘iga olingan yoshlarning bandligini ta’minlash, turli axborot
xurujlari, radikal g‘oya, yot mafkuralardan himoya qilish, yosh avlodni Vatan
manfaati yo‘lida birlashtirish, mamlakatimiz tarixini, shuningdek, milliy
qadriyatlarni hurmat qilish ruhida tarbiyalash, insoniylik tuyg‘ularini
shakllantirish maqsadida qator tadbirlar uyushtirilmoqda.
Jumladan,
mustaqilligimizning 33 yilligi bayrami arafasida viloyat IIB XTTB rahbariyati
Shahrisabz tumanidagi “Xalqobod” MFYda yashovchi yoshlarning uylariga borib
ularning muammolarini o‘rgandi.
O‘rganishlar davomida yoshlarning ayrim
muammolari hal etilib, bandligini ta’minlash, bo‘sh vaqtini mazmunli o‘tkazish
uchun tegishli tavsiya va takliflar berildi. Bu boradagi ishlar davom
ettirilmoqda.
