Qarshi tuman IIBda “Faxriylar yo‘li – ibrat maktabi” mavzusida tarbiyaviy-profilaktik tadbir bo‘lib o‘tdi. Unda boshqarma MMI va KBTX, Faxriylar kengashi, boshqarma boshlig‘i maslahatchisi va sohaviy xizmatlar xodimlari ishtirok etishdi.

Tadbirda  so‘z olganlar yoshlar ongiga Vatan va xalq manfaatlariga xizmat qilish sharafli va muqaddas burch ekanini singdirishi, davlatimiz va ichki ishlar organlarining timsollari bilan faxrlanib, qasamyodiga sodiq bo‘lish hamda xalqning ularga bo‘lgan ishonchi va hurmat hissini yuksaltirish bugungi kunning asosiy vazifalaridan biri ekanligini faxriylar doimiy ravishda targ‘ib etishi va bu borada boshqalarga o‘rnak bo‘lishi  lozimligini ta’kidlashdi.

Ko‘lami keng tadbirda faxriylar bosib o‘tgan yo‘llari, xizmat tajribalari yoshlar uchun ibrat maktabi bo‘lib, bu borada Qashqadaryo viloyati ichki ishlar organlaridan  nafaqaga  chiqqanidan so‘ng ham faol faxriylar bilan qator xayrli ishlarni amalga oshirib kelayotgani bildirildi. Shu bilan birga faxriylar yoshlarda kasbga ko‘nikma hosil qilish, Vatanparvarlik ruhini yuksaltirish, halol va vijdonan xizmat qilish tuyg‘ularni singdirish, kasb sir-asrorlarni chuqur o‘rgatishga hamisha bosh-qosh bo‘layotgani qayd etildi. 

Bu kabi xayrli ishlarda osoyishtalik posbonlariga yelkadosh bo‘lib, o‘z bilim va tajribalarini yoshlarga ulashib kelayotgan faxriylar hamisha e’zoz va ehtiromga loyiq.

Yakunda ichki ishlar organlarida xizmat qilib nafaqaga chiqqan va bugungi kunda ikkinchi shaxs yordamiga muhtoj faxriylar – iste’fodagi kapitanlar Fayzulla Bozorov va Egamberdi Toirovlar holidan xabar olinib, oziq-ovqat mahsulotlari berildi.