Qashqadaryo viloyati IIBda boshqarma Xotin-qizlar kengashining o'tgan yilda amalga oshirgan ishlari tahlili va kelgusi yil faoliyati rejasiga bag‘ishlangan yig‘ilish bo‘lib o‘tdi. Unda boshqarma sohaviy xizmatlari, shahar va tuman IIBlarida xizmat qilayotgan shahodatlangan xotin-qizlar ishtirok etdi. Yig‘ilishni boshqarma MMI va KBTX boshlig‘ining o‘rinbosari podpolkovnik Zarina Kenjayeva ochdi.
Notiq o‘z so‘zida o'tgan yilning o‘tgan davrida viloyatda jamoat tartibini saqlash, jinoyatchilikka qarshi kurashish va uning oldini olish, fuqarolar xavfsizligini ta’minlash, xizmat intizomi va qonunchilikka rioya qilishi, xizmatga o‘z vatida kelib ketishi, IIV buyruqlari asosida kiyim bosh kiyib yurish talablariga rioya etish borasida ichki ishlar organlarining xotin-qizlarga topshiriqlar berildi.
Yig‘ilishda erishilgan yutuqlar bilan birga faoliyatda kamchiliklarga yo‘l qo‘ygan xodimlar faoliyati muhokama etilib, ogohlantirildi.
Tadbirda ichki ishlar organlarida chorak asrga yaqin xizmat qilgan boshqarma HS va TMM inspektori, podpolkovnik Hulkar Niymatova faxriylikka kuzatildi.