Viloyat 3-sektoriga qarashli tumanda bo‘lgan boshqarma boshlig‘i “Dolzarb 50 kun” profilaktik tadbiri doirasida dastlab tumanda kriminogen vaziyat barqarorligini ta’minlash, bunga imkon yaratuvchi shart-sharoitlar shuningdek, qish mavsumini betalofat o‘tkazish, aholini yoqilg‘i-energiya resurslari bilan uzluksiz ta’minlanish jarayonlarini o‘rganish maqsadida soha mas’ullari hamda hamkor tashkilotlarning mutasaddilari ishtirokida Hududgaz Chiroqchi tuman filialida bo‘ldi. Unda aholiga tabiiy va suyultirilgan gazni uzluksiz  yetkazib berish borasida belgilangan choralar ijrosi hamda zahiralar bilan tanishildi.

O‘rganishlar davomida gaz zahirasini ko‘paytirish, olis hududlarga suyultirilgan gazni yetkazish uchun qo‘shimcha texnikalarni jalb etish borasida mas’ullarga topshiriqlar berildi.

So‘ngra, tuman markaziy dehqon bozorida bo‘lib, narx-navolarni o‘rgandi. Bozorda fuqarolar bilan oziq-ovqatlar mahsulotlari narxlari, bayramga tayyorgarlik borasida suhbatlashdi. Bozor ma’muriyatiga narx-navoni sun’iy oshirilishini oldini olish, tashkil etilgan arzonlashtirilgan oziq-ovqatlar yarmarkasini uzluksiz tashkil etish topshirig‘ini berdi.

So‘ngra Chiroqchi tumani elektr tarmoqlari korxonasida bo‘lib, xodimlarining favqulodda elektr ta’minotidagi uzilishlar yuz berganda navbatchi guruhning shayligini ko‘zdan kechirdi. Qishning sovuq va murakkab sharoitlarida aholiga benuqson xizmat ko‘rsatish vazifalari va xavfsizlik choralarini to‘liq ta’minlanishga jiddiy e’tibor qaratish, aholini uzluksiz elektr energiyasi bilan ta’minlash borasidagi tadbirlar bilan tanishib, bunga qo‘shimcha kuch va texnikalar jalb etish tavsiyasini berdi.

Shuningdek, ishchi guruh tomonidan Chiroqchi tumani ichki ishlar bo‘limida bo‘lib, yangi qurilayotgan vaqtincha saqlash xibsxonasini qurilish ishlari bilan tanishdi. Mutasaddilarga qurilish ishlarini amalga oshirishda har tomonlama talabga javob beradigan shart-sharoitlarni yaratish borasida tegishli taklif va tavsiya berib, xizmat faoliyati bilan tanishildi.

Ishchi guruhning o‘rganishlari davom etmoqda.