Unda Ichki ishlar vaziri o‘rinbosari polkovnik Ramazon Ashropov, vazirlik huzuridagi Migratsiya va personallashtirish  departamenti boshlig‘i polkovnik Ulug‘bek  Tashxodjayev,  viloyat ichki ishlar boshqarmasi boshlig‘i polkovnik Abduvoxid Ismoilov, boshqarma boshlig‘i o‘rinbosarlari, barcha sohaviy xizmat rahbarlari, shahar-tuman ichki ishlar bo‘limlari boshliqlari, ularning o‘rinbosarlari, bo‘linma boshliqlari shuningdek, shahar-tuman ichki ishlar bo‘limlari shaxsiy tarkibi videoselektor orqali qatnashdi.

Yig‘ilishda Qashqadaryo viloyati ichki ishlar boshqarmasi boshlig‘ining birinchi o‘rinbosari, polkovnik Baxtiyor Rajapovning joriy yilning o‘tgan olti oyi davomida viloyatda jinoyatchilikni jilovlash, huquqbuzarliklarga qarshi kurashish, jamoat tartibini saqlash, yo‘l-harakati xavfsizligini ta’minlash borasida amalga oshirilgan ishlar yuzasidan hisoboti tinglandi.

O‘zbekiston Respublikasi Ichki ishlar vaziri o‘rinbosari so‘zga chiqib, davlatimiz rahbarining joriy yil 3 yanvar kunidagi PQ - 1 - son qarori talablarini ijro etish va amaliyotga keng joriy etish bugungi kun talabi ekanligini ta’kidladi.

Ichki ishlar organlari xodimlari tomonidan  korrupsiya va tamagirlikka yo‘l qo‘ymaslik, xizmat intizomi va qonuniylikka rioya qilish borasida rahbariyatning qat’iy talab va topshiriqlarini xodimlarga yetkazdi.

Tanqidiy ruhda o‘tgan yig‘ilishda viloyatda jamoat tartibini saqlash, qonun ustuvorligini ta’minlash, mol-mulk daxlsizligi, yo‘l harakati xavfsizligini ta’minlash borasida shahar-tuman ichki ishlar bo‘limlari boshliqlarining hisobotlari eshitildi.

Tahliliy yig‘ilishda ichki ishlar organlari xodimlarining faoliyatda erishgan yutuqlari bilan birga yo‘l qo‘yilgan kamchiliklar muhokama qilinib, jinoyatchilikning ayrim turlari oshgan shahar-tuman ichki ishlar bo‘limlari  rahbarlariga bu borada amalga oshirilishi lozim bo‘lgan chora-tadbirlar xususida ko‘rsatma hamda topshiriqlar berildi. Xizmat davomida kamchiliklarga yo‘l qo‘ygan sohaviy xizmatlarning ayrim xodimlari faoliyati muhokama etilib, tegishli chora-tadbirlar belgilandi.

Yakunda viloyat ichki ishlar boshqarmasi boshlig‘i polkovnik Abduvoxid Ismoilov viloyatda jamoat tartibini saqlash, jinoyatchiAlikka qarshi kurashish va uning oldini olish, sodir etilgan jinoyatlarni “issiq izlar”da fosh etish, fuqarolar xavfsizligini ta’minlash borasida amalga oshirilgan ishlarni atroflicha tanqidiy  tahlil etib, jinoyatlarni fosh etishda tezkor va sohaviy xizmatlar xodimlarining boshqa huquqni muhofaza qiluvchi idoralar hamda keng jamoatchilik bilan o‘zaro hamkorlikdagi faoliyatini yanada kuchaytirish lozimligi ishtirokchilarga uqtirildi.

Prezidentimizning “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi Qarorini amaliyotga keng joriy etish maqsadida viloyatda  jinoyatlar va huquqbuzarliklarni barvaqt profilaktikasi borasidagi ishlarni kompleks tashkil etish hamda Dastur va hududiy “yo‘l xaritalari” ishlab chiqilib, amaliyotga joriy etilgani qayd etildi.

Viloyatning qizil toifaga kiruvchi mahallalarida jamoat tartibini saqlash, huquqbuzarliklar va jinoyatlarni oldini olish borasida sustkashlikka yo‘l qo‘ygani uchun bir guruh mas’ul xodimlar ogohlantirilib, bu boradagi ishlarni yanada jadallashtirish borasida tegishli sohaviy xizmatlar rahbarlari vazifador etilib, mas’uliyati oshirildi.

Kengaytirilgan yig‘ilishda yo‘l qo‘yilgan kamchiliklar oshkora muhokama etilib, kun tartibiga kiritilgan masalalar yuzasidan tegishli qaror qabul qilindi.