"Zakovat"da bilimdonlar bellashdilar
Qashqadaryo viloyati ichki ishlar organlari sohaviy xizmatlari va shahar-tuman ichki ishlar bo‘limlari xodimlari o‘rtasida “Zakovatda bilimdonlar” mavzusida “Besh tashabbus olimpiadasi” doirasida “Zakovat” intelektual o‘yini bo‘lib o‘tdi.
Viloyat Ichki ishlar boshqarmasi tarkibiy bo‘limlar va sohaviy xizmatlari hamda shahar tuman ichki ishlar bo‘limlari xodimlaridan iborat 18 ta jamoalar bilimlarini sinovdan o‘tkazishdi.
Qizg‘in bahs va munozaralar asosida bo‘lib o‘tgan “Zakovat” intelektual o‘yini yakuniy natijalariga ko‘ra, Shahrisabz tuman ichki ishlar bo‘limi jamoasi g‘oliblikni qo‘lga kiritdi. Navbatdagi sovrinli o‘rinlarni Qarshi shahar ichki ishlar organlari faoliyatini muvofiqlashtirish boshqarmasi va Ko‘kda tuman ichki ishlar bo‘limi xodimlaridan iborat jamoa qo‘lga kiritdi.
G‘oliblar Qashqadaryo viloyati ichki ishlar boshqarmasining diplomi va esdalik sovg‘alari bilan taqdirlandi.
