630 kilogramm yaroqsiz mahsulot yoʼq qilindi
2021 yil 11 may kuni soat 21.10larda "Umakay" muntazam YPX maskanida “Qashqadaryo-Toshkent” yoʼnalishida harakatlanib kelgan “Damas” avtomashinasi Qashqadaryo viloyati IIB PPX va JTSB Karantin boʼlinmasi va YHXB xodimlarida shubha uygʼotdi. Ichki ishlar organlari xodimlarining shubhasi bejizga emas ekan. Maʼlum boʼlshicha, Gʼuzor tumanida yashovchi J.I. boshqaruvidagi “Damas” avtomashinasi toʼxtatilib, avtomashina saloni koʼzdan kechirilganda hech qanday veterinariya maʼlumotnomalarisiz 8 dona qoplarga joylangan ogʼirligi 630 kg ogʼirlikdagi kelib chiqishi nomaʼlum boʼlgan chorva mollarining ichki aʼzo(ichak)lari borligi aniqlandi. Chorva mollarining ichki aʼzolari Chiroqchi tuman oziq-ovqat mahsulotlari xavfsizligi mikrobiologiya va veterinariya-sanitariya ekspertiza labaratoriyasida tekshirib koʼrilganda yaroqsizligi maʼlum boʼldi va tegishli tartibda yoʼq qilindi.
